CSS Template

Јованоски: Мостот во сточен пазар ќе биде најголем и најубав во Прилеп

309
Avtokontrol1

Продолжуваат градежните работи за реконструкција и доизградба на мостот во населбата Сточен пазар, откако се надминати проблемите со изведбата на поголема стабилност на објектот.Истата компанија која што ги започна градежните работи, а поради појава на вода прекина со активностите, ќе биде изведувач и на темелеењето на мостот, посочи градоначалникот Илија Јованоски, а проблемот ќе се надмине со современо техничко решение.

– Мостот ќе биде во должина од 24 метра и со широчина од 22 метри. Дополнително во должина од двете страни по три метра ќе има дооформување за поврзување со коловозот, така што мостот ќе биде долг 30 метри. Предвидени се 4 коловозни ленти, а на двете страни ќе има пашечки и велосипедски патеки. Реконструкцијата треба да заврши најмногу за 4 до 5 месеци, а вкупните средства кои што ги оддвои Општина Прилеп ќе бидат околу 35 милиони денари, односно 574 илјади евра. Се надевам дека за неколку месеци Прилеп ќе го добие најголемиот и најубавиот мост во нашиот град, рече Јованоски.

Првиот договор за реконструкција на мостот бил склучен на 30 милиони денари, од кои биле реализирани 21 милион денари, а вториот договор е во висина од 14 милиони денари. Бидејќи стабилноста за доизградба на мостот не можела да се постигне со т.н стопи, сега изведувачот, според проекциите, треба да постави 76 столбови – колови, со длабочина од 13 метри со цел да се обезбеди најголема сигурност и стабилност.

„Во моментов се врши фундирање на објектот, што претставува најпроблематичната фаза во изградбата на сите мостови, после кои почнува градењето на конструктивните работи, кои се одвиваат со побрза динамика. Овој мост е проектиран и дизајниран според најсовремените европски прописи. Сите останати мостови се работени според стари норми“, изјави Тоде Јовески, кој е задолжен за надзор над градежните работи.

Општината ќе ја рекуструира и улицата Трајко Николоски, а градежните активности ќе започнат кога ќе се комплетира изградбата на мостот за што е подготвен соодветен проект.


semm
Vivafarm
Farma Dolneni