Кои беа најдобрите состави по повод патрониот празник на градот?!

Ерика Јованоска од ООУ „Кире Гаврилоски-Јане“ ја доби првата награда за напишан расказ на конкурсот што го распиша Општина Прилеп, во соработка со основните училишта, по повод патрониот празник на градот, на тема ,„Хуманоста – темел во меѓучовечките односи“. Второто место го поделија учениците, Иван Танески и Борис Ночески, од ООУ „Кочо Рацин“ и „Кире Гаврилоски-Јане“, а третото место ѝ припадна на ученичката Матеа Стојаноска од ООУ „Рампо Левката“.

Наградените творби ги селектираше Комисија од 5 члена : м-р по филолошки науки во областа на македонскиот јазик, Јулијана Талеска од ООУ „Климент Охридски“, дипломираниот филолог по македонски јазик, Сузана Николоска од ООУ „Кире Гаврилоски-Јане“, Наташа Кулеска од ООУ „Кочо Рацин“, дипломиран професор по македонски јазик и два члена од Општина Прилеп, Снежана Ристеска, советник за култура и Марија Ташкоска, соработник – кореспондент.За сите ученици,Општината предвиден награди: ќе добијат книги, дипломи и парични средства. Првонаградениот ученик ќе добие 3.000 денари, второнаградените по 2.000 денари и трета награда изнесува 1.000 денари, средства кои ќе се издвојат од буџетот на Општина Прилеп, наменет за развој на образованието