Кои се условите за добивање субвенции за клими и велосипеди?!

По принципот “прв дојден-прв услужен“ прилепчени и оваа година ќе ја користат можностшто ја нуди општината за субвенционирање на инвертер клими и велосипеди, при купување на клима уред или велосипед.

Вкупната сума, која Советот ја оддели за таа намена, изнесува 5.000.000 денари, од кои 4.000.000 денари за набавка на клими, а 1.000.000 денари за велосипеди. Максималениот износ за доделување на поединечна субвенција, односно надомест на дел од трошоци на граѓани на подрачјето на Општина Прилеп за купување на
велосипеди и клима уред-инвертори за 2021 година е до 50 отсто од вредноста на купеното грејното тело, но не повеќе од 10.000 денари, како и до 50 отсто од вредноста на купениот велосипед, но не повеќе од 5.000 денари во нето износ по лице/домаќинство.

Правилниците за користење на финансиски средства од буџетот на Општина Прилеп за субвенционирање,
односно надоместување на дел од трошоците на граѓаните на подрачјето на Општина Прилеп за купување на велосипеди и клима уред-инвертери за 2021 година,беше усвен на денешната 54 -та Седница на Советот на општина Прилеп .