Крушево во борба против коронавирусот

Крушево  започна со дезинфекција на неколку институции : СОУ „Наум Наумовски Борче“ Крушево, ООУ „Никола Карев“, ЈОУГД „Гонча Туфа“, Фондот за здравство во Крушево, Агенција за вработување и локална самоуправа.

Оваа активност е  дел од мерките и препораките на Владата и Министерството за здравство за спречување на ширење на коронавирусот.

Претходно се чистеше центарот на градот, Црвениот крст објави повик за волонтери кои ќе помагаат во набавка на неопходни производи за стари и изнемоштени лица, градоначалникот ги откажа отворените денови, пазарот престанува со работа, скратено е работното време во локалната и други државни институции, општината отвори телефонски линии за помош на старите лица, но и за итни потреби на сите граѓани,.Народната кујна ќе ја доставува храната до домовите на примателите и други мерки.