Македонците имаат најниска просечна плата од останатите од регионот

Највисоката просечна плата во регионот за мај оваа година е исплатена во Словенија и изнесува 1.113,88 евра, додека најниската во Македонија и изнесува 413,67 евра. Со просечна плата од 413 евра, примањата на Македонците се непропорционални со трошоците. Според синдикалната кошница на ССМ на четиричлено семејство во месец јуни му требале 531 евро за да ги покрие основните трошоци. Последните статистики на Евростат, пак, говорат и тоа, дека 61 отсто од Македонците не можат да си дозволат одмор.

Од регионот,просечната плата во Хрватска изнесува 886 евра, во Црна Гора за јуни била исплатена плата од 516 евра, во Босна и Херцеговина 472 евра, додека Србија 470 евра.

Властите во Македонија постојано потенцираат дека просечната плата во земјава бележи континуиран раст. Владата на СДСМ се стреми во нејзиниот мандат да достигне до зголемување на просечната плата од 500 евра.

Преземено од /Фокус/