СЛУШАЈТЕ ВО ЖИВО

CSS Template

Прочка 2018- изложба на маски од прилепските ученици

853

Учениците секоја година имаат привилегија да го отворат карневалот „Прочка“ во Прилеп. Изложбата на рачно изработени трaдиционални маски, и годинава се одржа во центарот за култура „Марко Цепенков“. На оваа единствена од ваков вид изложба на креации беа претставени над 700 креации, што ги изработија учениците од сите основни и средни училишта во градот и населените места. Интересни идеи за тоа како на прочкарските обичаи гледаат учениците, кои пат се потрудиле со природни материјали да создадат нешто ново и поинакво.
– Денеска официјално почна меѓународниот карневал „Прочка 2018“, со изложбата на маски на учениците од нашата општина. Избрани се три типа маски со по три награди за прво, второ и трето место, а учениците што ги изработија ќе добијат и парични награди, напомена градоначалникот на Прилеп Илија Јованоски кој упати покана за настаните што следат во рамките на карневалот.
Меѓу тројцата наградени ученици за прво место е ученикот Иван Крстески од СОУ „Ѓорче Петров“. Тој изработил маска којашто ги претставува четирите годишни времиња во огледало.
– Маската ја правев две недели и за неа добив прва награда, рече Иван.
-Јас направив ‘веницијанска маска’ со природни материјали. Ја правев една недела со помош на наставникот по ликовно образованиеа, рече Димитар Илиески, ученик од ОУ „Блаже Конески“.
– Комисијата од повеќе наставници по ликовна уметност работеше до доцните часови, за да ги избере и награди најдобрите маски. Жири комисијата одлучи да ги награди маските, што ги изработија овие ученици: Димитар Илиоски од 8-5 одделение од ООУ „Блаже Конески“, Иван Крстески од 1-1 одд. од СОУ „Ѓорче Петров“ и Давор Степаноски од СОУ „Орде Чопела“, кои се добитници на прва награда. Втора награда добија учениците од дневниот центар „Ѕуница“, потоа Андреа Мирческа од ООУ „Кирил и Методиј“, од населеното место Подмол и Александар Гулабоски, ученик во гимназијата „ Мирче Ацев“. Третото место им припадна на учениците: Марија Долеска од 8-2 одделение од ООУ „Кире Гаврилоски-Јане“, Семих Келенкоски од ООУ „Кирил и Методиј“ од н.м. Канатларци и Филип Трајкоски од 4-3 клас од гимназијата „ Мирче Ацев“ информираше Снежана Ристеска, советник за култура во Општина Прилеп.
Утре, детскиот карневал, ќе започне во 12:30 часот, а ќе продефилираат сите поединечни и групни маски со учениците од основните училишта во градот. Во недела на 18 ти со почеток во 13:00 часот ќе се одржи главниот настан „Прочка 2018“. Манифестација ќе продолжи во хотелот „Липа“ со забава под маски.

Facebook Notice for EU! You need to login to view and post FB Comments!
Vivafarm

Веб -страницата користи колачиња. Со клик на Прифаќам се согласувате со политиката на приватност и колачиња. Прифаќам Повеќе