CSS Template

Проданоски: Наместо пречистувач, станицата стана загадувач ?!

219
Avtokontrol1

Од ОК ВМРО-ДПМНЕ Прилеп денеска на прес конференција ја информираа јавноста за како што наведуваат од таму, негрижа за општествениот имот од страна на власта и функционерите на СДСМ. Станува збор за пречистителната станица, за која што потпретседателот на ОК ВМРО-ДПМНЕ Прилеп, Дејан Проданоски, напомена дека според информациите што ги имаат, наместо да прочистува отпадни води, ја загадува животната средина. Во продолжение обраќањето до јавноста, видео и фото материјали:

Наместо за пречистување на отпадните води, пречистителната станица во Прилеп нов загадувач?

Пречистителната станица во Прилеп која е дело на Владата на ВМРО-ДПМНЕ и за која беа вложени околу 10 милиони евра, требаше да значи решавање на проблемот со отпадните води и да овозможи чиста и здрава животна средина.Но, изминатите денови воопшто не е така!Граѓани до општинскиот комитет на ВМРО-ДПМНЕ доставија фотографии и видео материјал, на кој се гледа дека наместо пречистена вода, од станицата излегуваат фекалии и одново се слеваат во водите на градската река.Истото се случувало и синоќа околу 19 часот.Прашуваме:Дали е вистина дека поради негрижа, од 5 пумпи во пречистителната станица работи само една пумпа?Дали директорот на ЈКП Водовод и канализација, под чија надлежност е станицата, брзајќи да ја натрупа со партиски кадри, заборави дека објектот треба да се одржува?За ова ли граѓаните плаќаат 60% повисоки сметки за вода, иако градоначалникот им ветуваше дека ќе ги намали за 20%?Најитно ги повикуваме Илија Јованоски и Миле Талевски, да реагираат и да го спречат ова потенцијално ширење на зараза и загадување на почвата.Исто така го повикуваме и Инспекторатот, како и Министерството за животна средина веднаш да извршат инспекциски надзор и да проверат што се случува во пречистителната станица во Прилеп.Ги потсетуваме дека 85% од парите за изградба на оваа станица, претходната влада на ВМРО-ДПМНЕ ги обезбеди од Европската Унија.Со фотографиите и видео материјалите со кои располагаме ќе ја запознаеме канцеларијата на ЕУ во Република Македонија, како и евроамбасадорот Самуел Жбогар.https://www.facebook.com/okprilep/videos/3341759035836176

Posted by ОК на ВМРО-ДПМНЕ Прилеп on Недела, 28 јуни 2020

 


semm
Farma Dolneni
Vivafarm