Време е за КАРНЕВАЛ „ПРОЧКА 2022“ во Прилеп!

Од денеска сите заинтересирани за учество на традиционалната манифестација Прочка во Прилеп, ќе може да се пријавуваат за учество. Општина Прилеп го објави јавниот повик, истакнат на официјалната страна на локалната самоуправа во кој што се вели:

„Општина Прилеп со посебна чест и задоволство ги повикува сите заинтересирани правни и физички лица од Прилеп и останатите градови и населени места од Република Македонија, со особен акцент на основни и средни училишта, градинки, едукативни центри, здруженија и останати креативци да земат учество на манифестацијата Карневал „Прочка 2022“, која ќе се одржи во Прилеп, на 06. Март.“

Пријавувањето е најдоцна до 1 ви март до кога заинтересираните учесници би можеле да се пријават електронски или лично во Општина Прилеп.

Не е прецизирано каде ќе се одржува карневалот, и на каков начин, со оглед на актуелната здравствена состојба во земјава. За Карневалот Прочка ова ќе биде јубилејно 20 то издание, со оглед на тоа што минатата година манифестацијата не се одржа поради пандемијата.

Пријава за учество

Покана за Карневал Прочка 2022