Забрана за сообраќај на тешки товарни возила на Плетвар

Поради интензивни врнежи од снег, преку планинскиот превој Плетвар, од 17:15 часот се воведува забрана за сообраќај за тешки товарни возила. Забраната се воведува од превентивни причини, според АМСМ

Сообраќајот на државните патишта се одвива по претежно влажни коловози, на планинските превои со наместа остатоци од кашест снег на коловозот по интервенција на дежурните екипи на ЈП Македонија пат. Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата.