Започна рехабилитацијата на дел од регионалниот пат Градско – Прилеп

Стартуваа градежните работи за рехабилитација на патот од Дреново до Фариш. Средствата се од буџетот на ЈП за државни патишта, со кои што се обновува најоштетениот дел од регионалниот пат Градско – Прилеп. Станува збор за инвестиција од 1,5 милиони евра.
Работите започнаа неделава, а во зависност од временските услови, ќе траат од 30 до 45 денови.

Неодамна, на средбата со прилепските стопанственици од Регионалната стопанска комора, ресорниот министер Горан Сугарески најави дека паралелно со градежните работи, ќе биде објавен тендер за доизградба на трите ленти на постојниот пат.