На отворениот ден во СОУ „Орде Чопела“ Прилеп голем интерес за сите струки

Во дворот на училиштето вриеше како во кошница! Деветтоодделенци од Прилеп и од соседните општини Долнени и Кривогаштани, денеска беа во посета на СОУ Орде Чопела Прилеп и се запознаа кои можности  ги нуди ова стручно училиште преку дуалното образование и професионалната надоградба на учениците за поедини струки и занимања.

Во кругот на училиштетото, кое прераснува во модерен стручен кампус за барани занаети и занимања, на повеќе штандови преку разговори со професорите и со учениците, идните средношколци се интересираа за секторите:

– Здравствено социјална заштита, Медицинско лабораториски – санитарен техничар: 34 ученици, една паралелка;

– Лични услуги – Техничар за очна оптика: 34 ученици, една паралелка ; 

– Хемија и технологија со две дуални паралелки 83 ученици, 3 паралелки: Прехранбен техничар дуална паралелка 25 ученици (соработка со бизнис сектор), техничар за заштита на животна средина/хемиски лабораториски техничар 34 ученици, пекар/месопреработувач, дуална паралелка 25 уечници (соработка со бизнис сектор);

– Земјоделство, рибарство и ветеринарство, 93 ученици 3 паралелки: техничар за агроменаџмент 1 паралелка, 34 ученици, техничар за ветеринарна медицина/техничар за фитомедицина 1 паралелка, 34 ученици, агротехничар за традиционално органоско производство дуална паралелка (соработка со бизнис сектор) 1 паралелка 25 ученици;

– Градежништво и геодезија: геодетски/градежен техничар/архитектонски техничар 1 паралелка 34 ученици