Во собраниската сала на Општина Прилеп, утре, вторник на 23 мај со почеток од 19:00ч ќе се одржи црковно-научна трибина на тема: „1160 години од Моравската мисија на солунските браќа и просветители Св. Кирил и Методиј“. Манифестацијата е во организација на црквата „Св. Кирил и Методиј“, Параклис – Прилеп во соработка со ЈНУ Институт за старословенска култура-Прилеп и Општина Прилеп.
За животот и дејноста на словенските рамноапостоли Свети Кирил и Методиј ќe говори протоереј Веле Спиркоски, од храмот Свети Кирил и Методиј, Параклис.
На тема „Свети Кирил и Методиј во македонската литература до 20 тиот век“ ќе се обрати д-р Ели Луческа, а за „Моравската мисија и македонското прашање“ ќе говори д-р Зоран Богески.
Почесен гостин е неговото високопреосвештенство Митрополит Преспанско – Пелагониски и Администратор Австралиско – Новозеландски г-дин Петар. Настанот ќе го збогатат со свои настапи хорот при КУД „Пере Тошев“ и црковниот хор при храмот „Свети Кирил и Методиј“, Параклис.
