10.7 C
Прилеп
понеделник, 31 март, 2025
Пела Радио

ЈОУГД „Наша иднина“ Прилеп ги подобрува условите за работа

Во четирите објекти на Јавната установа детски градинки Наша иднина Прилеп континуирано се подобруваат условите за работа и престој на децата, истакна на денешната прес конференција директорката Бети Спиркоска.
-Во периодот од последниве 4 месеци во ЈОУГД Наша иднина во објектот на градинката „Гоце Делчев“ се реконструираа санитарните јазли, се смени ПВЦ дограмата со што се променија условите во објектот. Наскоро започнува изградба на нова котлара и замена на стариот котел со нов.

Во објектот во Тризла, исто така се изврши реконструкција на санитарните јазли, а ќе се отпочне и со реконтрукција на покривот. Во градинката Али Чаир се изврши реконструкција на санитарните јазли, а во градинката во населбата Бочејца се стартува со уредување на дворната површина со патеки за физички активности на децата, рече Спиркоска, која потсети дека подновен е мебелот за престој на децата.

Според планот за работа ќе се реализира промена на ПВЦ дограмата, а оваа градинка ќе добие и нова фасада.
Во моментов услугите на ЈОУ Детска градинка „Наша иднина“ ги користат 1.460 деца, за кои се грижат 158 вработени.

Би можело да ве интересира

Македонската амбасада во Австрија донираше книги и едукативни помагала за изучување на германскиот јазик во училиштата

Гордана Цветаноска

Петар Мирчески: Хемијата ме однесе во Саудиска Арабија (ВИДЕО)

Пела Редакција

Секое дете има право да се храни здраво

Порталот ПелаМК користи колачиња за да го подобри вашето искуство. Можете да се откажете во секое време. Прифаќам Повеќе