За две години 69 фирми преку Центарот за вработување Прилеп ги корестеле поволностите од мерката – субвенционирање на плати, при што се вработиле 110 активни баратели на работа. Во 2018 год. склучени биле 51 договор за вработување за 33 фирми кои имаат добиено право на учество во оваа мерка, додека во 2019 год. склучени биле 59 договори за вработување за 36 фирми.
Мерката Субвенционирање на плати беше е една од најатрактивните мерки како е дел од Оперативниот план за активни програми и мерки за вработување.
Корисници на оваа мерка се макро, мали и средни претпријатија, социјални претпријатија, граѓански организации и нови претпријатија основани преку програмата Самовработување со неповратни средства во 2019 г. и невработени лица кои активно бараат работа. Висината на финансиската поддршка изнесува 19.000 ден. месечна субвенција на платата на вработеното лице за период од 3,6 и 12 месеци за вработување. Вкупната финансиска поддршка за едно лице варира во зависност од период за работен анганжман :
-за 3 месеци финансиската поддршка изнесува 57.000 ден со обврска на работодавачот да го задржи лицето во работен однос уште 9 месеци.
-6 месеци изнесува 114.000 ден со обврска на работодавачот да го задржи лицето во работен однос уште 18 месеци.
-12 месеци изнесува 228.000 ден со обврска на работодавачот да го задржи лицето во работен однос уште 30 месеци.
Најголемата поволност за фирмите е тоа што средствата се исплаќаат еднократно за целиот планиран период на субвенционирање, така што истите можат да се користат како инвестиција за развој на компанијата. Од друга страна, на овој начин, преку мерката за субвенционирање се отвораат нови работни места за активните баратели на работа.
Голем интерес за мерката субвенционирање на плати преку Центарот за вработување Прилеп
