Од денеска, Општина Прилеп воведува итни дополнителни локални заштитни мерки од ширењето на корона вирусот. Пет тимови од по 2 волонтери ќе доставуваат намирници за стари, изнемоштени и хронично болни лица. Се воведува и телефонска линија за таа намена.
„Воведуваме телефонска линија со број 048/401-700, на која стари, болни, изнемоштени и возрасни лица со хронични заболувања, како и лица со посебни потребни,секој ден од 8 до 18 часот,ќе можат да побараат помош за набавка и достава на намирници за храна, лекови и други средства за лична хигиена и дезифенција.
Акредитирани волонтери од општина Прилеп, опремени со заштитни средства, после телефонскиот повик, ќе ги посетат граѓаните во нивните домови и со средства од граѓаните, ќе ги набават потребните артикли од маркети и аптеки по избор на самите граѓани и ќе ги достават во нивните домови, рече на денешната прес конференција градоначалникот на Општина Прилеп Илија Јовански.
Целта е да се заштитат најраливите категори на граѓани од корона вирусот и да се намали можноста да бидат изложени на ризик од заразување и што помалку да излегуваат од нивните домови, а во исто време да се помагне да се намали протокот, односно движењето на старите, болни, изнемоштени и хронично болните лица во градот, во маркетите и аптеките.
Градоначалникот Јованоски упати апел да не се злоупотребува телефонската линија, а веќе од утре ќе биде востановена бесплатна тел. линија.
– Истовремено, како градоначалник на општина Прилеп, упатувам апел до сите маркети и маалски продавници од општината, да се подготват за онлајн нарачка и достава на артикли до граѓаните во нивните домови.
Исто така, апелирам на повисока општестевна одговорност и сакам јавно да ги повикам стопанствениците и бизнисмените од нашиот град, во овие моменти на справување со Коронавирусот, да им излезат во пресрет на социјално-ранливите категории на граѓани, преку донирање на прехрабени артикли и средства за хигиена и дезинфекција.“, изјави градоначалникот на општина Прилеп, Илија Јованоски.
Волонтерите, засега вкупно 10 мина немаат никакви симптоми од познатите на корона вирусот и ќе бидат обезбедени со заштитна опрема при доставата на намирниците.