Гоце, кој прилепчани го знаат како одговорен медицински рабоник, возач на брза помош од Прилеп, кој секојдневно иташе со амбулантното возило да спаси човечки животи, денес моли за помош за себе, а државата и институциите остануват глува и немаат средства да му помогнат во лечењето од ковид 19 иако тој е дел од медцинскиот персонал кој пренсува болни лица. Затоа семејството моли за помош од добронамерниците, граѓаните и своите сограѓани.
Имено, семејството Илиески од Прилеп има потреба од секој денар за покривање на болничките сметки за таткото и сопругот Гоце (43 г), кој во моментот е на респиратор, а секој болнички ден, кој чини 500 евра во болницата во Систина, создава дополнителен финансиски товар на семејството.Бидејќи, со болеста веќе се изборило целото негово семејство, но потребна е сега помошта да се спаси нивниот, татко и сопруг, возач на Брза помош . На социјалните мрежи веќе кружи постот за финасиска помош, кој стигна и до нашата редакција, со молба да го објавиме и да придонесеме во помогањето на еден човек, наш сограѓанин, да се избри со болеста. Содржината нема да ве остави рамнодушни, и во неа се вели:
„Почитувани хумани луѓе од цела Македонија, за жал ви се обраќам од името на една предобра и вредна жена која ете ја допре и тоа како тешко ја погоди оваа ситуација со корона вирус. Буквално цело семејство заболија од истиот. Од најмали до најголеми. 12 годишниот Филип во клининиката Козле после долго боледување сега е подобар, фала на Господ и е дома. Но, неговиот татко Гоце сеуште се бори. Сместен е долг период во болница Систина, состојбата сеуште е многу лоша и се бори на респиратори. Поради тоа што не е во стабилна состојба не може да се премести на клиника. Еден ден ги чини 1.700евра, а сега и со нова терапија која чини 500 евра на ден, семејството влезе во многу тешка здравствена состојба, но за жал и тешка финансиска ситуација. Гоце во целава ковид пандемија иташе храбро и брзо за да спаси човечки живот како шофер на Брза Помош во Прилеп. Тоа е човек кој со своите 43 години е и пожртвуван родител, но и човек кој си ја сака Македонија во сите нејзини убавини. Ајде хумани луѓе да помогнеме сите да бидат и понатаму заедно и среќно семејство. Наредните денови ќе бидат отворени и телефонски линии за донации, но затоа што секој денар им е и тоа како значаен ви ја пишувам жиро сметката на Daniela Ilieska неговата сопруга каде секој добронамерен човек ќе може да донира во рамките на своите можности. „
Ж- ска Стопанска Банка Скопје 200003328588457 Даниела Илеска Прилеп. Гоце, Даниела, Филип и Сара ќе ви бидат од срце благодарни на вашата хуманост и човечност во борбата за нивниот татко и сопруг. 