Во натпревар од 5. коло на машката Супер лига, РК Прилеп со 24:30 загуби од РК Еурофарм Пелистер 2. Битолчаните ја имаа иницијативата од почетокот на мечот, но младиот прилепски состав, најмлад во лигата, бргу успеа да воспостави рамнотежа. Така беше се до финишот од првото полувреме. Тој период, се чини, е одлучувачкиот. Гостите направија разлика од 6 гола, која натаму беше недостижна. На одмор се замина со 10:16, а и во продолжението соодносот беше, речиси, неизменет. На крајот конечни 24:30 за Еурофарм Пелистер 2.
Во следното, 6. коло, РК Прилеп му гостува на РК Тиквеш во Кавадарци.