Втора година по ред нема да го одржи МЕЃУНАРОДНИОТ ТРАДИЦИОНАЛЕН ТУРНИР во џудо „ПРИЛЕП ГРАД ХЕРОЈ“. Ова го соопшти организаторот на турнирот, Џудо Клубот СЕИШИН-Прилеп, кои во допис до медиумите ја пренесе информацијата со огромно жалење:
„И, оваа 2021 година заради Пандемијата предизвикана од КОВИД 19 и мерките за заштита кои се на сила во нашата држава Џудо Клубот СЕИШИН-Прилеп, втора година по ред НЕМА да го ОДРЖИ- МЕЃУНАРОДНИОТ ТРАДИЦИОНАЛЕН ТУРНИР во ЏУДО „ПРИЛЕП ГРАД ХЕРОЈ“, кој се организира по повод празникот 11-ти Октомври.
Само како потсетување напоменуваме дека овој МЕЃУНАРОДЕН Турнир во Џудо последен 11 пат по ред се одржа во 2019 година. На истиот настапија вкупно 320 такмичари од 35 клубови од 7 Држави (Македонија, Бугарија, Грција, Албанија, Србија, Црна Гора, и Косово). На овој Турнир беа присутни и специјални гости од Џудо Спортот (Славко Обадов 9 Дан, Павле Буљчик 4 Дан од Србија и Чихи Јанош 6 Дан од Унгарија).
Турнирот започна да се организира уште од 2009 година по повод нашиот Национален Празник 11-ти Октомври, кога првите 2 години беше на Републичко ниво а потоа прерасна на Меѓународно ниво и низ годините РАСТЕШЕ и стана ПРЕПОЗНАТЛИВ по КВАЛИТЕТ и БРОЈ на ПОСЕТИТЕЛИ. За жал изминатата 2020 и оваа 2021 година ТРАДИЦИЈАТА е ПРЕКИНАТА заради актуелната состојба со ПАНДЕМИЈАТА и СПЕЦИФИЧНИТЕ услови кои се бараат за организација на ваков голем НАСТАН во ЗАТВОРЕН ПРОСТОР-СПОРТСКА САЛА со КОНЦЕНТРАЦИЈА на само најмалку 300 натпреварувачи и околу 50 -тина стручни лица и членови на комисии за спроведување на истиот, а за ПУБЛИКА и да не станува збор.
Затоа Управата на Џудо Клубот СЕИШИН-Прилеп организатор на овој настан и оваа година донесе ваква одлука, пред се водејќи сметка за здравјето на спортистите и сите чинители на ваквиот настан. Се надеваме дека ИДНАТА 2022 година НАШАТА ТРАДИЦИЈА ќе продолжи, ЏУДИСТИТЕ ќе се вратат на ТАТАМИТЕ, нашите гости од државата и странство повторно ќе го посетат и ќе престојуваат во нашиот град ПРИЛЕП и повторно ќе завладее НАТПРЕВАРУВАЧКИОТ ДУХ. СПОРТСКИ ПОЗДРАВ!!! УПРАВА НА ЏУДО КЛУБ СЕИШИН-ПРИЛЕП- се наведува во соопштението на клубот