Ангела Трајкоска, Тамара Цветкоска и Барбара Стојкоска заедно со своите тренери од Боречкиот клуб „7 Мај“ остварија средба со градоначалникот на општина Прилеп Борче Јовчески. Причина за посетата беа првенствата и медалите кои младите Боречки од клубот „7 Мај“ ги освоија на натпреварите на Балканското и Медитеранското првенство кое се одржа во Грција од 26 до 30 октомври.
Градоначалникот Јовчески посочи дека лично ќе се ангажира во развојот на спортот, во сите негови сегменти.
Присутните на средбата, добија и пригодни подароци од Општина Прилеп.
