Граѓаните на Прилеп денеска се возеa во електричниот автобус, како редовна градска линија во јавниот градски превоз. Автубсот, кој беше демо тура на компанијата Аутомакедонија, нуди одлично перфоманси: еколошки, безбедност и удобност, нула емисии на штетни гасови, ниски нивоа на бучава и ниски оперативни трошоци. Автобусот е одлична можност за размислување за применливоста на електричен јавен транспорт во Прилеп во иднина.
„Живееме во ера кога имамe реална опасност од загадувањe и климатски промени. Паралелно со тоа се менуваат и социо-економските услови во урбаните средини, што создава потреба да размислуваме за намалување на опасностите од загадувањето на животната средина и намалувањето на емисиите на штетни издувни гасови. Во таа насока секогаш можеме подобро!„- истакан градоначалникот на Прилеп со надеж дека овие автобуси во иднина ќе се возат низ прилепските улици во јавниот градски превоз.
Електричниот автобус е долг 8 метри, со капацитет за 50 патници, функцијата за регенеративно кочење кое ја зголемува ефикасноста во потрошувачката на електричната енергија и придонесува за поголем досег. Капацитетот на батеријата варира од 142kWh и досег до 180 километри, до 268kWh со досег до 350 километри. Полнењето е едноставно и доколку се користи DC турбо полнач со моќност од 150kW трае само 2 часа или на стандарден AC полнач со јачина од 22kW, батеријата се полни за приближно 8.5 часа, посочија од Аутомакедонија.