Вардар без проблеми прокнижи 10 та победа на домашен терен во салата Јане Сандански во Скопје со тимот на Прилеп. Домашните ракометари очекувано го добија првото полувреме со 19:13. Со леснотија и со двоцифрена предност која на моменти достигна плус 15, за текот на мечот говори и крајниот резултат. Вардар победи 41:27 во меч во кој не обрнуваше премногу внимание и на одбрана. Чувара беше најдобар поединец на теренот со девет постигнати гола, додека по пет во домашниот тим постигнаа Савревски и Лазаревски. Кај поразениот тим, најефикасен беше Бикоски со шест погодоци.
РК Прилеп „потопен“ од Вардар
