„Љубов даруваме, знаење и доверба стекнуваме и мир за сите посакуваме“ – беше мотото со кое се претставија учениците од ООУ „Блаже Конески“ на шестата вечер од Училишните смотри. Со голема леснотија и радост, зашто вредно работеле на своите презентации, учениците се претставија пред бројната публика во големата сала на ЦК „Марко Цепенков“. Воннаставните активности и на оваа приредба дојдоа до израз, зашто најдобро се учи и твори преку музика, танц и игра, а тоа го покажаа самите учесници.
Учество зедоа над 300 ученици од сите возрасти од прво до деветто одделение кои изведоа драмски, танцови сценски, во вкупно 16 точки распределени во 4 блока. Интересно, разновидно, разиграно беше на завршната приредба од ООУ „Блаже Конески“, а во продолжение проследете ја галеријата за сите точки.
