Од многуте музички освежувања на овогодинешниот “МакФест 2023” прилепчанка Александра Трајчевска заслужено го привлече вниманието кај публиката но и кај македонската јавност.Испеа одлична песна со наслов “Не сакам” и уште еднаш се претстави во блескаво издание.Таа е прилепчанка , ненаметлива но шармантна, со свој изграден имиџ но и со фантастично однесување на сцена и настап кој плени, оригинална , емотивна и совршена со силен , моќен и препознатлив вокал.
Александра беше дел од нашата отворена програма РАДИО ШТО СЕ ГЛЕДА , и за нашиот медиум вели дека е задоволна од тоа како ја изнесе песната пред штипската публика.Се заблагодари и на сите позитивни коментари за оваа прекрасна композиција. 
19 годишната Александра во текот на својата музичка кариера победи и на престижниот фестивал “Езерски бисери” како и на шоуто “Заблескај” , но овој пат блесна во вистински сјај , прилепскиот музички “дијамант”.Тимот на Радио Пела посакува уште многу многу успеси во нејзината кариера , уште многу нови авторски хитови кои ќе се гледаат и слушаат со внимание.А нашата Александра го заслужува тоа.Во продолжение погледнете го и разговорот.
