Пет училишта се придружија на новото театарско-едукативно патување, кое ќе трае во наредните шест месеци,во рамките на Македонскиот театарски фестивал „Војдан Чернодрински“, а резултатите од сработеното, ќе се видат на претстојното 58. издание на фестивалот, кој ќе се одржи од 7 до 14 јуни. На едукативните работилници што ги предводи режисерот и едукатор Милош Б. Андоновски од „Театар за сите“ од Скопје, ќе учествуваат ученици од ООУ: „Добре Јованоски“ и „Блаже Конески“ и од СОУ: „Ристе Ристески – Ричко“, „Мирче Ацев“ и „Ѓорче Петров“.
Во просториите на прилепскиот театар тие ја одржаа првата средба, под менторство на актерите Илија Волчески и Игор Трпчески. Учениците заедно со нивните наставници-ментори, разговараа и презентираа за театарските процеси“, соопштуваат од фестивалот.
Во текот на наредните седум месеци ќе се изучуваат театарските процеси (режија, актерство, драмско пишување и драматургија, костимографија, сценографија) практично, преку вежби и гостувања на театарџии. Целата содржина ќе биде работена врз еден од текстовите на Горан Стефановски, како автор во фокус на 58. издание на фестивалот МТФ „ Војдан Чернодрински“