1.6 C
Прилеп
сабота, 18 јануари, 2025
Пела Радио

ТРИБИНА НА УЖ НА ВМРО ДПМНЕ-ПРИЛЕП ПРОТИВ НАСИЛСТВОТО ВРЗ ЖЕНИТЕ СО ПОРАКА „НЕМОЈ ДА МОЛЧИШ, КРЕНИ ГО ГЛАСОТ!“

Во рамките на кампањата #16 дена активизам против родово базирано насилство“ Унијата на жени на ОК на ВМРО-ДПМНЕ Прилеп организира трибина на тема „НЕМОЈ ДА МОЛЧИШ, КРЕНИ ГО ГЛАСОТ!“

„Да дадеме поддршка на сите жени и да кажеме НЕ на семејното насилство. Целта е да ја подигнеме свеста кај жените, да го пријавуваат семејното насилство, да не молчат, затоа што насилство не може и не смее да се премолчи“ –  беше кажано на трибината од страна на претседателот на Унијата на жени на ОК на ВМРО-ДПМНЕ – Прилеп, Билјана Кузманоска

Целта на трибината беше да се подигне свеста за долгорочното нарушување на општеството предизвикано од родово базирано насилство, за да го спречи насилството против жените и девојчињата ,а  секој труд вложен во спречувањето насилство против жените е чекор напред кон побезбеден, поеднаков и просперитетен свет.

На трибината организирана во кино салата “Мис Стон“ говореа еминенти стручни лица, а организаторот за лицата /жени кои се соочуваат со било кој вид на насилство, обезбеди бесплатна психолошка поддршка од страна на лиценциран психолог и советник гешталт терапевт.

Симболично на влезот, на присутните им беа подарени  и портокалови панделки, како симбол на борбата против насилството.

Инаку „16 дена активизам“ е меѓународна кампања која се спроведува секоја година, со почеток на 25 ноември, Меѓународниот ден на елиминација на насилството против жените, а завршува на 10 декември, Денот на човековите права. Кампања е најдобриот пример како луѓето и организациите можат и треба да ги здружат силите за да се справат со општествените проблеми за да го исклучат насилството.

Би можело да ве интересира

Попоска: Дојдете на роденден со добра музика и многу гости (ФОТО+ВИДЕО)

Пела Редакција

Арена Куп 2024: Боксерите од прилепскиот клуб „АС“ се прикажаа во одлично светло (ВИДЕО + ФОТО)

Јубилеј со кој се гордее Прилеп – 75 години од постоењето на КУД Мирче Ацев (ВИДЕО)

Гордана Цветаноска

Порталот ПелаМК користи колачиња за да го подобри вашето искуство. Можете да се откажете во секое време. Прифаќам Повеќе