Традицијата и годинава продолжува , малиот фудбал повторно ќе биде во центарот на вниманието од 8ми па се до 24 декември , кога ќе се одржи светиниколскиот турнир во мал фудбал.Заради немањето можност фудбалските натпревари да се играат во универзалната сала , истите, љубителите на малиот фудбал ќе ги гледаат во двете училишни сали , во салата од СОУ Ристе Ристески Ричко и во ООУ Добре Јованоски по 18 часот.Форматот на одигрувањето останува ист како и претходната година, 32 екипи поделени во групи , со тоа што ако има повеќе екипи истите ќе бидат вметнати во групите.
Наградниот фонд оваа година е зголемен па така за освоено прво место победникот ќе добие 260 000 денари, за второ место 130 000, а за трето место 70 000, а турнирот и оваа година ќе има хуманитарен карактер.Новитет за турнирот во мал фудбал е тоа што после одигрувањето на осминафиналните натпревари , дуелите ќе можат да се следат и на live stream а полуфиналето и финалето со коментар и во живо на општинската страна и на https://www.facebook.com/RadioPelaMacedonia.
