Утре, четврток 10.4.2025 г. министерот за култура и туризам Зоран Љутков заедно со државниот секретар Марија С. Ѓоргова, ќе престојуваат во работна посета на Општина Прилеп. Ова е прва посета на ресорниот министер за култура и туризам на Прилеп, и тоа непосредно по ставањето вон употреба на салата на НТ Војдан Чернодрински и големата сала на Центарот за култура Марко Цепенков и киното Мис Стон.
Како што најавуваат од кабинетот на министерот планирана е посета на НУЦК „Марко Цепенков“, а Љутков и Ѓоргова ќе ги посетат: црквата „Св. Благовештение“, археолошкиот локалитет Стибера, како и македонско духовно светилиште, манастирскиот комплекс „Трескавец“ каде се планирани изјави за новинарите.