Утрово ( 20.12.2023) околу 01.20 часот во ОВР Прилеп било пријавено дека на ул.„Киро Базерко“ било опожарено паркирано патничко возило „мерцедес“ со прилепски регистарски ознаки, сопственост на Б.М.(50) од Прилеп. Возилото целосно изгорело, а од пожарот била оштетена и фасада на куќа. Пожарот бил изгаснат од екипа на Територијалната противпожарна единица Прилеп, а повредени лица нема.
Увид извршила увидна екипа на Полициската станица Прилеп,информираат од СВР Битола
Ова е трето опожарено возило во Прилеп. Само пред неколку дена полицијата информира за две опжарени возила На 17.12.2023, во 22.00 ч. во ОВР Прилеп, Д.В.(47) од Прилеп пријавил дека на ул.„Кузман Шапкарев” било опожарено неговото патничко возило „фолксваген голф“ со битолски регистарски ознаки. Пожарот бил изгаснат од екипа на Територијалната противпожарна единица Прилеп, а повредени лица немало и предходниот ден, на 16.12.2023 , во 15.09 часот, во СВР Битола, С.А.(45) од Прилеп пријавил дека на ул„Орде Чопела” било опожарено неговото патничкото возило „фиат“ со прилепски регистарски ознаки.