Деновите пред Новата Година средношколците и професорите од економско-трговскот прилепско училиште ги искористија да внесат празнична атмосфера во училиштето со поставување на новогодишни декорации, а денеска пак, во дворот на училиштето организираа „Новогодишен хуманитарен базар“ .
На штандови беа изложени новогодишни украси изработени од учениците, кои се продаваа, по симобилична цена, а собраните средства ќе бидат донирани за да им донесат радост и среќа на други деца.
Хумани и на дело , средношлците од СОЕПТУ Кузман Јосифоски – Питу , ги изложија своите креации на Новогодишниот хуманитарен базар, насловен “Подари насмевки” пред бројните посетители . Се купуваа новогодишни украси, колачиња, се пиеше топол чај, и се делеа безброј насемвки, и од продавачите-ученици и од купувачите-добронамерници. Така измина овој ден ! Се’ се распродаде , а собраните средства, одлучија учениците, да ги наменат за новогодишни пакетчиња за дечињата кои го посетуваат Центарот за церебрална парализа од Прилеп , а дел о за лекувањето на момченцето, Ангел Христовски.
А, хуманитарниот базар на учениците, со насмевнати лица, уште долго ќе се памети , како потврда на кративноста, хуманоста и солидарноста, како не загубени човечки вредности !
