Во Прилеп утринава се измерени 7 см снег кој во текот на денов, постепено се топи поради позитивната дневна температура. Максималната температура денеска во Прилеп ќе достигне 3 степени Целзиусови. Времето утре, понеделник, 22 јануари, според УХМР: Наутро ведро, тивко и многу студено, преку денот сончево со мала до умерена локална облачност. Во Прилеп се очекуваат многу ниски утрински температури кои ќе достигнат до – 15 степени.
Ваквите најави за многу ниски температури во текот на утрешниот ден, остатоците од снег и вода на патиштата можат да бидат многу опасни за создавање на голомразица, па надлежните во текот на ноќта и денеска презедоа превентивни мерки. Во општина Прилеп патиштата и улиците се проодни и исчистени информираше градоначалникот Јовчески на социјалната мрежа фејсбук:
„Проодни и исчистени патишта и коловози!
Доцна синоќа и рано утрово, службите за зимското одржување одговорни за Општина Прилеп, континуирано се на терен и го чистат снегот на патиштата во прилепскиот регион.На располагање е целокупната механизација, со цел навремено да бидат расчистени сите патишта и влезови во градот, како и сите наши населени места надвор од градот. Локалната самоуправа и надлежните служби се грижат за сите жители на општина Прилеп и за безбедно одвивање на сообрајќајот во зимски услови, а воедно упатуваме апел до сите наши сограѓани да бидат внимателни и одговорни во однос на општата безбедност за сите нас.“
