На 23 ти февруари започнува процедурата за кандидирање претседател на државата и пратеници. Сите заинтересирани партии и поединци имаат 15 дена да соберат 10 илјади потписи за својот кандидат за претседател и илјада потписи за својата листа во секоја изборна единица посебно. 34 подрачни одделенија на ДИК ќе бидат отворени од 8 до 20 часот, а на последниот ден, 8 март, до 24 часот. Секој избирач може да даде потпис за повеќе кандидати.
Кандидатите за претседател на ВМРО ДПМНЕ и на СДСМ не мораат да собираат потписи од граѓани. Само овие две партии имаат повеќе од 30 пратеници. Целата документација треба да се достави до ДИК најдоцна до 19-ти март, а на 28-ми ќе има жрепка и утврдување на листите на сите кандидати. Изборната кампања ќе трае од 4-ти до 22-ри април.
За пратеничките кандидатски листи, потписи ќе собираат оние кои немаат поддршка од регистрирани партии и коалиции. Листите се поднесуваат до ДИК најдоцна до 2-ри април, по што следува отстранување евентуални пропусти и жребање за редоследот на гласачкото ливче на 13-ти април. Изборната кампања ќе почне на 18-ти април а ќе заврши на 6-ти мај.
Кампањите ќе се совпаднат 5 дена. Парламентарната нема да прекине за време на изборниот молк пред изборите за претседател.
Оваа година изборите се одржуваат во среда. На 24-ти април ќе се гласа за претседател со втор круг на 8-ми мај. Истиот ден ќе се гласа и за избор на 120 пратеници.
Извор: Телма