Со поддршка на „Витаминка“ и „Прилепска Пиварница“ в недела општина Прилеп кани на целодневна дружба насловена како „Пролетта не’ мами, на Могила не’ кани“! Настанот ќе се одржува од 11:00 до 16:00 часот во Паркот на Могилата на непобедените. Планирана е несекојдневна дружба и забава со музика, рекреативни и спортски содржини наменети и за помладите и за повозрасните. Ќе се игра шах, пинг – понг, ќе има „игри без граници“ за најмладите, а ќе се претстават и учениците од Музичкото училиште „Ордан Михајлоски Оцка“. Ќе се играат модерни танци, ќе се пее староградска музика, се’ на се’ богата понуда за забава и дружење.
