Прес конференција на која беше презентирана програмата на ВМРО ДПМНЕ и Коалцијата Твоја Македонија, денеска одржа Петар Ристески, кандидат за пратеник од ИЕ4:
ВМРО-ДПМНЕ за наредниот четиригодишен мандат има план и визија за ревитализација и подобрување на земјоделските политики во државава. Нашиот фокус ќе биде насочен на трите основни цели:
• Зголемување на конкурентноста и подобрување на доходот на земјоделците;
• Воведување нови технологии и иновации со кои ќе се намалува влијанието на неповолните климатски промени;
• Развој на руралните средини со цел задржување на населението, а посебно младите преку инвестирање во
инфраструктурата и инвестиции за нови работни места во овие средини.
Ветуваме, опоравување на земјоделството и на руралните средини и за таа цел ќе вложиме 180 милиони евра годишна поддршка.
Се обврзуваме на реформа во начинот на поделбата на на овиа финансиски средства.
Предвидуваме, 55 инвестиции во земјоделски стопанства . Со учество на неповратни средства во висина над 50% (во зависност од типот на проектите), ќе бидат поддржувани оние проекти со кои земјоделските стопанства ќе се зголемуваат и модернизираат, ќе воспоставуваат стандарди на производството со што ќе придонесат за квалитетот на производите.
Во таа насока, ќе поддржиме проекти за:
• Набавка на механизација и опрема за примарно земјоделско производство;
• Подигнување на нови и реконструкција на пост повеќегодишни насади;
• Набавка на педигриран добиток од основно стадо.
И она што посебно ги интересира тутунопроизводителите од нашиот и пелагонискиот крај: Ќе направиме уште одма промена на Законот за тутун и тутунски производи. Не смее да се увезува ситнолисен тутун од надвор додека не се откупи и последниот лист од домашното производство. Откупната цена на тутунот, да биде утврдена уште на почетокот на производството. Производителите активно ќе бидат вклучени во утврдувањето на откупната цена што е нивно барање. Со еден збор, ќе создадеме услови, за организиран, навремен и непречен откуп на тутунот.
Почитувани сограѓани, почитувани земјоделци, за да во наредниве 4 години земјоделството повторно го добие вистинското место во општеството, сите заедно, на 8-ми мај да го заокружиме бр. 2 за листата на кандидати за пратеници на ВМРО-ДПМНЕ и бр. 2 за Гордана Силјановска Давкова за претседател на Република Македонија, рече Петар Ристески, кандидат за пратеник за ИЕ4.