” Со нашите струки ја намалуваме невработеноста и создаваме кадри кои се барани на пазарот на трудот. Во прва година во нашето СОУ „ОРДЕ ЧОПЕЛА“ ќе се запишат 270 ученици, во 9 паралелки. Учениците кај нас добиваат стипендии, меѓународни признати дипломи, загарантирана работа и бесплатно сместување во ученички дом до училиштето, за ученици кои живеат надвор од Прилеп„ вели директорката на средно стручно училиште „Орде Чопела„-Прилеп, Тереза Златеска Трајкоска.
Во Хемиско-технолошка струка има место за 84 ученици во 3 паралелки
– прехранбен техничар, дуална паралелка, каде училиштето соработува со прехрамбени компании, а учениците учат практика.
– техничар за заштита на животната средина / хемиско лабораториски , барани професии на пазарот на трудот,
-пекар/месопреработувач дуална паралелка, каде училиштето соработка со компании кои им помагаат на учениците во практичниот дел,со месечен износ за секој ученик од 3500 денари , девет месеци.
Земјоделско-ветеринарна струка дава простор за упис на 84 ученици, 3 паралелки
– агротехничар за традиционално и органско производствоагр е дуална паралелка кој исто така во соработка со компании создава простор учениците да ја применуваат праксата. Храната секогаш се произведува и ова е одлична можност за запознавање со можностите како да се произведе здрава еко храна.
– техничар по ветеринарна медицина, за оние кои ги сакаат животните
– и, техничар за фитомедицина ,дуална паралелка , во соработка со компании
Градежно-геодетска струка опфаќа простор за 34 ученици, 1 паралелка
– геодетски техничар/ архитектонски техничар обезбедува стипендии за ученици од прва година,а пријавувањето ќе се врѓи во еден уписен рок со две пријавувања во месец јуни и јули.
Лични услуги – 34 ученици, 1 паралелка
– техничар за очна оптика – една од најинтересние струки за учениците при посета на ОТВОРЕНИОТ ДЕН на СОУ Орде Чопела
Здравствена струка – 34 ученици, 1 паралелка
– медицинско лабораторискo – санитарен техничар, каде учениците гледаат можност да ја изучуваат медицината
ЗОШТО да се запишете во СОУ ОРДЕ ЧОПЕЛА -Прилеп? ЗАТОА ШТО стручното образование нуди брзо и квалитетно вработување, по завршување на средното образование можност да се продолжи образованието на факултет, а компаниите добиваат висококвалитетен млад стручен кадар.
КАКО ДА СЕ ПРИЈАВИТЕ?!
- Пријавувањето на учениците ќе биде електронско преку линк до порталот за електронски услуги на Министерството за образование и наука e-uslugi.mon.gov.mk со специјална најава за средношколци преку нивните кориснички сметки на Schools.mk.
- Во јунскиот уписен рок има две електронски пријавувања – првото ќе биде од 20 јуни до 25 јуни, кога ќе се доставува и потребната документација до училиштата. Конечната ранг-листа од првото пријавување ќе биде на 26 јуни.
- Второто електронско пријавување ќе биде на 1 и 2 јули 2024 кога воедно ќе се доставуваат и документите до училиштата, а конечната ранг-листа со резултатите од запишувањето и слободните места секое училиште ќе ја објави на 3 јули 2024.
- Во августовскиот уписен рок пријавувањето ќе се врши на 21 август 2024.