Првиот ден од летото, 21 јуни носи пеколни температури кои ќе потраат и наредниве денови. УХМР издаде метео предупредување – Македонија е во портокалова фаза:
21.06.2024
Денес ќе биде сончево и многу топло со натпросечни температури, а земјата ќе биде во портокаловата фаза за опасност од високи температури.
Сончево и многу топло со мала локална облачност со слаб до умерен северен ветер, UV=9.
Сончево и многу топло ќе биде и во Прилеп со максимална дневна температура до 35 степени целзусови .
Топлото време ќе се задржи во претстојниот период. Утринската температура наместа нема да се спушта под 20 степени, а максималната дневна насекаде ќе биде над 30, а наместа и 40 степени, најавува УХМР.
За в недела попладне, пак, најавена е локална појава на пороен дожд, грмежи и засилен ветер.