Беше вечер за паметење, каде сите, едногласно пееја со македонската музичка дива, Андријана Јаневска придружувана од префинетиете музички звуци, маестрално изведени од Драган и Ратко Даутовски. 
Крстот, кој сјајеш од Марковите Кули, ја надополнуваше духовност, која зрачеше од храмот Св. Петка, од звуците на народни инструменти, македонскиот фолклор и прекрасната изведба.
Публиката која дојде на концертот, уживаше во секој звук, во секој стих и заедно пееше на секоја изведба на македонската песна, одбрани од богата македонска музичка ризница. Посебни емоции произлегоа со пеењето на „Заветна„ , но ништо помалку публиката не остана рамнодушна и на песните отпеани од грлото на Јаневска „Македонско девојче„ „ Ѓурѓо “ итн .
Хуманитарниот концерт насловен ” Од векови за векови” , одржан вечерва, на платото пред храмот „Света Петка“ во населбата Точила, едноставно воодушеви со целиот музички и визуелен сјај. Концертот имаше донаторска цел – доизградба на духовното светилиште „Света Петка“. Но, може да се донира во секој момент на жиро сметката ЖИРО СМЕТКА ЗА ДОНАЦИИ : Храм „Св. Петка“-Точила, Прилеп 500-000000887189, отворена за сите добронамерници и духовни почитувачи.
Донаторскиот коцерт , за помош за доизградба на храмот Св. Петка во нас. “Точила“ беше во организација на протоереј Љупче Петрески и професорот Мендо Ташкоски, професор во музичкотo основно училиште “Ордан Михалоски – Оцка“ кои не себично се вложија за прилепчани да уживаат во звуцие на македонскиот народен мелос.
Затоа, за прекрасно изведената организација, Организациониот одбор при храмот „Св.Петка„ на организаторите на настанот и на изведувачите: д-р Драган Даутовски, Ратко Даутоски и на проф. д-р Андријана Јаневска, им додели благадарници, за несебичниот ангажман и придонес за помош на црвката Св. Петка.
ЗА ВАС! Следете ги информациите и на интернет радиото од РАДИО ПЕЛА https://live.mkdstream.com/public/radiope секој работен ден за најновите случувања од Пелагонија во ударните вести „Пелагониска хроника“ во 16,30 часот
ВЕСТИ: 6,30, 09,00 , 14,30 ,16,30, 19,30