Пишува: Кјара Кондоска
Kако дел од проектот “Од 0 до култура”, кој секој четврток се одржува на Камената бина во центарот на градот, на втората вечер настапи бендот “The Schmucks”. Направија одлична забава и сите уживаа во ритамот на рокен ролот.
Разговарав со фронтменот Михаил Јагуриноски (вокал и гитара).
К.К: Дали имате свирики само во Прилеп и кога прв пат почнавте јавно да свирите?
*Свирики имаме во повеќе градови во Македонија, не само во Прилеп .Свириме и во Битола, Крушево, Охрид и во некои други клубови во Македонија, односно секаде каде што ќе не’ поканат, секаде каде што сакаат рокен ролот. Својот прв настап го имавме во 2020 година, и тоа за хуманитарна акција, кој се одржа во кругот на новата автобуска станица во Прилеп.
К:К Дали свирите ваша музика или препејувате?
Имаме наша песна“Chaos”, музички запис кој си има и свое видео , кое вирално се споделува на социјалните мрежи. Но, пееме и песни од познати пејачи од 60те години, и некои песни од поново време, но главно рокенрол.
К.К Од колку членови се состои вашата група?
* Ние сме група од 5 членови: 1. Михаил Јагуриноски(вокал / главна гитара), 2. Кирил Трајкоски(ритам гитара), 3. Андриано Чолаковски(бас гитара), 4. Филип Ристески (бас гитара) и 5. Дамјан Ристески(тапани),сите од Прилеп.
Кјара Кондоска е ученичка во гимназијата „Мирче Ацев„ Прилеп и е дел од практиканската програма – Млади Хаб, насловена „МладиХаб – надминување на нееднаквоста помеѓу младите“ од Национален младински совет на Македонија, во кои ТРД Радио Пела ДООЕЛ зема активно учествува како дел од програмата за практиканство на млади, со цел поттикнување на пректиканството и можностиете на младите да земат активно учество во практиканството.
ЗА ВАС! Следете ги информациите и на интернет радиото од РАДИО ПЕЛА https://live.mkdstream.com/public/radiope секој работен ден за најновите случувања од Пелагонија во ударните вести „Пелагониска хроника“ во 16,30 часот
ВЕСТИ: 6,30, 09,00 , 14,30 ,16,30, 19,30