Филмот „УБИЈ ги ПРВО ДЕЦАТА“ ќе се прикажува во кино Мис Стон, на 26.11.2024 – 19.00 часот.
„Убиј ги прво децата“ е комична приказна за тинејџерка балерина, нејзиниот лудо вљубен дечко и неговиот налудничав најдобар другар со украден полициски пиштол кои се губат во најдлабоките лавиринти на криминалното подземје заради мобилен телефон што содржи компромитирачко видео.Влезници на билетарницата од киното понеделник и вторник од 10 до 12 .00 ч. и еден час пред почеток на проекцијата
Шармантен, младалачки, шизички, љубовен… филм кој прво ќе ви ја убие досадата (ако ја убиете прво мрзата и отидете да го погледнете). Урбана тема, гај ричиевски ритам, супер музика, одличен микс од професионални глумци и натуршчици, реплики за памтење. Ќе ве освежи!Филмот имаше светска премиера на 30. Филмски фестивал во Сараево, а го затвори 45. издание на Интернационалниот фестивал на камера (ИФФК) „Браќа Манаки“ во Битола на септември.Во филмот играат Миа Жиро, Стефан Спасов, Мартин Ѓоргоски, Адриан Азири, Александар Ѓоргиески, Стефан Вујисиќ и други. Камерата е на Владимир Самоиловски, дизајнер на продукција е Сашо Блажевски, костимите се на Ина Чолак, сценографија на Калина Игновска, монтажата на Софија Самоиловска, а музиката на Игор Василев-Новоградска.
Година: 2024
Режија: Димитар Оровчанец
Продукција: ТРИС ФИЛМС, ДМФ ФИЛМС
Времетраење: 106 минути