На 16 февруари 1912 година во Прилеп, роден е македонскиот славист, македонист и универзитетски професор Крум Тошев.
Гимназија завршил во Битола, а потоа дипломирал на Филозовскиот факултет во Белград. Тој го одржал првиот студентски час на тогаш, новооснованиот Филозовски факултет во Скопје. Членувал во Комисијата за кодификација на македонскиот литературен јазик, а бил член и на првиот редакциски совер на новооснованото Државно книгоиздателство Македонија.
Раководел со одделот за народна книжевност при Институтот за фолклор, а прв директор е на Институтот за македонси јазик „Крсте Мисирков“.
Бил уредник на списанијата „Македонски јазик“ и „Литературен збор“ и Крум Тошев и Блаже Конески се автори на „Македонскиот правопис со правописен речник“.
Автор е на повеќе учебници и читанки по македонски јазик и литература за основно и средно образование. како и поголем број научни и стручни трудови за основните одлики нав фонолошкиот и граматичкиот систем на македонскиот литературен јазик.
За него Блаже Конески ќе рече: „Tошев е навистина голем.Тој е во основата на она што го нарекуваме македонистика и во потесна смисла наука за македонскиот јазик“.
Основното училиште во с. Трубарево крај Скопје, го носи името на Крум Тошев.
Починал во Скопје во 1976 година.
Фото: Old Prilep