По тој повод 160 години од раѓањето на македонскиoт револуционер, прилепчанецот Ѓорче Петров претставници од Советот на општина Прилеп и од СОУ „Ѓорче Петров“, кое го носи името на револуционерот, пртставници од политчки партија и здруженија на граѓани, денеска положија свежо цвеќе и се поклонија пред споменикот на истакнатиот револуционер, во центарот на градот.
Покрај револуционерната дејност и неговата посветеност на Македонската револуционерна организација, Ѓорче Петров се докажал и како прв географ и етнолог во Македонија, професор, публицист и историчар. Ѓорче Петров е роден на 2 април 1865 година, во Варош, а на 28 јуни 1921 година загинува во атентат во Софија, Бугарија.