Крушево продолжува да го живее својот зимски туристички сон. На повидок е уште еден адреналински фестивал кој уште со најавата пред 1 месец предизвика голем интерес кај вљубениците на зимските забави,рекреација и спортови. Двете летни изданија на outdoor фестивалот When in Krusevo, беа доволен показател организаторите оваа зима, во Крушево, да приредат нови авантури и тоа во рамките на Зимскиот фестивал насловен како „ Кога во Крушево – Зимата е тука!“ (When in Krusevo – Winter is Here!).
Веќе од петок 8-ми февруари, па до 10-ти февруари, Крушево ќе биде центар на бројни предизвици за рекреативците, планинарите, авантуристите, но и сите оние кои сакаат да уживаат во чиста природа, адреналин, добра забава.
„ Кога во Крушево – Зимата е тука!“ фестивалот е изобилство на можности со вклучување во рекреативна или планинарска тура, зимски тандем параглајдинг, часови за скијање. Но, ништо без организирани вечерни забави и дневни дегустации.
Ова е целосната програма на фестивалот:
ПЕТОК:
12:00 – 20:00 – Пристигнување на учесниците и подигнување на учесничкиот пакет, во Параглајдинг Инфо Центарот во Крушево,
21:30 – Забава во Кичен Бар – Сноу со DJ (ќе објавиме подоцна кој), бесплатен влез, како и резервација на маса за секој учесник.
САБОТА:
09:30 – 10:00 – Собирно место – Гумење (пред Спомен Куќа на Тоше Проески)
10:00 Трнување на рекреативна планинарска тура (околу 5 км), попатни паузи за чај во Adventure park Корија и ски центар Станич.
14:00 Собирно место Жичара, и спуштање кон градот
14:30-18:00 Денска забава со DJ Бапчу, дегустација на оригинални StreetFood рецепти со домашни крушевски колбаси, веге опција со печурки, варено вино (за секој учесник). Локација – тераса Олд Скул Кафе.
21:30 Забава со The Hounds во Олд Скул Кафе Крушево, бесплатен влез, како и резервација на маса за секој учесник.
НЕДЕЛА:
10:30 – 11:00 – Собирно место, парк Крушево (пред црква Св. Никола)
11:00 Прошетка низ крушевските сокаци со попатна пауза за чај во
ресторанот на Панорама Спа Крушево.
10:00-14:00 Зимски тандем параглајдинг , 1500 ден за секој учесник на фестивалот, обезбеден превоз од град до старт и назад.
Цената на фестивалскиот билет е 500 денари, со кој учесниците добиваат уникатна маичка од фестивалот, со оригинална илустрација на добро познатиот македонски артист Тхе Мичо, алуминиумско шишенце и подароци од останатите спонзори.
Со приложување на билетот, учесниците добиваат одличен попуст за сместување во вилите и хотелите, објавени на официјалната веб страна на фестивалот: www.winter.wheninkrusevo.mk
Картите се во продажба преку продажната мрежа на MK Tickets (www.mktickets.mk) и платформата за outdoor активности When in X (www.wheninx.com).
Крушево и другарите од Outdoor Manifest ве очекуваат!
