Актуелниот претседател, Стево Пендаровски, како кандидат на СДСМ ќе биде прв на гласачкото ливче. Кандидатката на ВМРО ДПМНЕ Гордана Силјановска Дафкова број 2, Стевчо Јакимовски како кандидат на ГРОМ 3-ти, Бујар Османи од ДУИ број четири, Билјана Ванковска како кандидат на Левица петта, шест на гласачкото место Арбен Таравари од коалицијата Вреди и седми кумановскиот градоначалник Максим Димитриевски како кандидат на ЗНАМ – ДИК, преку ждребка денеска ДИК го утврди редоследот на кандидати на гласачкото ливче за претседателските избори.
На овие претседателски избори кои ќе се одржат на 24-ти април, гласачкото ливче за првпат ќе биде најдолго со седум кандидати кои влегуваат во трката за нов шеф на државата. Вториот круг ќе се одржи на 8 мај заедно со парламентарните избори.
Согласно процедурите, кампањата за избор на претседател започнува на 4-ти април.
Во дијаспората ќе бидат спроведени само претседателски избори, бидејќи не беа пријавени доволно иселеници за да се исполни условот од 5355 гласачи за да се одржат и парламентарните.