Одбројуваме пет дена пред почетокот на 60. јубилејно издание на Македонскиот театарски фестивал „Војдан Чернодрински“ од Прилеп. Денеска уште на првиот ден од продажбата на влезници на билетарницата од Центарот за култура редица од вљубеници во театарот, заинтересирани за набавка на билети за фестивалот.
За потребите на 60. МТФ „Војдан Чернодрински“, билетарницата во НУЦК „Марко Цепенков“ ќе работи од 10:00 – 14:00 и од 17:00 – 21:00 во периодот од 1 до 12 јуни.
Организаторите годинава одлучија електронската и физичката продажба на билетите да ги ограничи на четири билети по лице за претстава.
Освен продажбата на билетарницата во Цепенков, дел од билетите се пуштени во онлајн-продажба од 28 мај преку системот karti.com.mk.
За дел од претставите што се на мала сцена или се играат на самата сцена во Центарот за култура „Марко Цепенков“ – Прилеп, ќе бидат пуштени само одреден број влезници во продажба.
Јубилејното издание на најстариот театарски фестивал во земјава ќе се реализира од 5 до 12 јуни на повеќе локации низ Прилеп.
На театарскиот фестивал Театар Комедија, селектиран со претставата „Ивона, принцезата на Бургунд“, одлучи да не учествува на фестивалот годинава.