Регулаторната комисија за енергетика (РКЕ) донесе нова одлука со која малопродажните цени на нафтените деривати во просек се намалуваат за 3,84 проценти во однос на претходната одлука од 26 мај 2026 година.
Најголемо намалување има кај дизелот и екстра лесното масло за домаќинство, чии цени се намалуваат за 6,50 денари по литар, додека цените на бензините ЕУРОСУПЕР БС-95 и ЕУРОСУПЕР БС-98 се зголемуваат за 0,50 денари по литар.
Во пресметката е вклучено и намалувањето на акцизите за два денара по литар кај дизелот и бензините.
Од полноќ, односно од 00:01 часот на 2 јуни, ќе важат следните максимални малопродажни цени:
ЕУРОСУПЕР БС-95 – 88 денари за литар
ЕУРОСУПЕР БС-98 – 90 денари за литар
ЕУРОДИЗЕЛ БС (Д-Е V) – 85,50 денари за литар
Екстра лесно масло за домаќинство (ЕЛ-1) – 87,50 денари за литар
Мазут М-1 НС – 47,906 денари за килограм
Цената на мазутот е намалена за 3,238 денари по килограм.