Индискиот шахист, Домарају Гукеш, кој испиша историја откако стана најмладиот светски шампион во историјата, пред три години беше член на македонскиот клуб ШК Прилеп.
Тогаш 15-годишниот индиски велемајстор имаше блескав настап на Европскиот шаховски клупски куп во Струга и беше најдобар меѓу сите 277 шахисти од 38 клуба, од 37 држави. Ги одигра сите 7 партии, сите на првата табла, без пораз, со три реми и четири победи.
Гукеш вчера направи досега невиден подвиг бидејќи со само 18 години дојде до светската шаховска титула.Во финалето Гукеш го победи Кинезот Лирен Динг, тој пак е поранешен шахист на ШК Алкалоид. Колку овој успех е голем говори фактот дека претходно рекордот за најмлад освојувач го држеше Каспаров кој се закити со титулата на 22 години.