Информирајте се за иднината на женското претприемништво во руралните средини

Кои се можностите за развој на женското претприемништво во руралните средини е тема на онлјан средбата во организација на Здружението за рурален развој ЛОКАЛНА АКЦИОНА ГРУПА АГРО ЛИДЕР Кривогаштани. Преку ZOOM платформата заинтересираните потребно да се приклучат на линкот за пристапување кон настанот https://us02web.zoom.us/j/82905540100 Meeting ID: 829 0554 0100, утре, понеделник 25 ти јануари со почеток во 11 часот.

Учество на настанот ќе земат Горан Томески од Агенцијата за поттикнување на развојот на земјоделството, работна единица Прилеп, како национално советодавно тело во агросекторот, Викторија Јоновска – контролор за органско производство, како и Виктор Фичорски, претставник од ИТ сектор.

Ќе стане збор дали владините програми и мерки за поддршка на жените во земјоделскиот сектор се доволни и кои измени треба да се направат. Настанот ќе биде проследен со презентирање на придобивките од органското производство и позитивното влијание на дигитализацијата во земјоделскиот сектор за развој на женското претприемништво.