Континуирано , боречкиот клуб Седми Мај Прилеп продолжува со доминацијата кога станува збор за женското борење кај нас. Прилепските девојки најдобри екипно од одржаното државно првенство во Скопје.Седми Мај Прилеп прв со освоени 27 бода пред Вардар со 14 и Бучим Јака со 14 и Балканец со 8 бода.
Во категоријата до 43 килограми, прво место за Деспина Богеска , второ за Елена Малиноска а трето за Елена Најдоска и Катерина Ивческа , во категоријата до 49 килограми второ место за Михаела Богеска , категорија до 53 килограми , второ место за Михаела Тодороска а трета во својата категорија заврши Оливера Мицеска. Кај девојките кои настапуваа во категоријата до 63 килограми второто место и припадна на Барбара Стојкоска.
Во националниот куп во женското борење преостанува да се одржат натпреварите за у-15 и у-20 , а досега боречкиот клуб Седми Мај Прилеп е на првата позиција со освоени 40 бода пред , Вардар и Бучим Јака.