Секаде на први јануари, а во Крушево во февруари се роди првото бебе

Додека во другите градови првото бебе се раѓа во првите минута од новата година или на 1 ви јануари, во Крушево првото бебе  се роди вчера, на 8-ми февруари.  Бебето е женско,  и Крушевчани веруваат дека годината ќе биде плодна и бериќетна.

И, како што е дел од обичјот кој неколку години наназад го  подготвуваат и негуваат учениците од  СОУ „Наум Наумоски Борче„, „Дева во чест на новото раѓање“,  првото бебе во Крушево, родено помеѓу двете Деви добива награда, парични средства кои се собираат на празникот посветен на раѓањето на Исус Христос.

СОУ „Наум Наумовски – Борче“ како организатор на манифестацијата „Дева во чест на новото раѓање“ испраќа честитки до среќните родители и желби за среќа до малата Михаела Христоска и нагласуваат дека касичката со средствата собрани од манифестацијата ќе и бидат врачени на 28-ми септември, на Денот на патрониот празник на училиштето.

Наталитетот во овој град е значително низок. Минатата година во Крушево се родиле само триесетина деца.