За Прилеп загрижувачки дневен Ковид биланс

Во последните 24 часа се направени 3.323 тестирања, а регистрирани се 721 нови случаи на Kовид-19, најмногу во Скопје – 357, додека во Прилеп дури 72 повторно со бројка што е веднаш по главниот град. Во Крушево се регистрирани 10 новозаразени.

Пријавени се вкупно 9 починати лица, од Скопје (85г, 80г, 69г,), 2 пациенти од Куманово (81г, 74г) и по 1 пациент од Прилеп (75г), Велес (73г), Крива Паланка (73г) и Валандово (71г). Осум пациенти се починати во болнички услови, додека еден пациент е починат во домашни услови.

Според досега завршените епидемиолошки анализи во моментов, Прилеп е втор според активните случаи со 663, веднаш после Скопје со активни 3750 случаи.