Денеска, 24 јули, пред Меморијалниот музеј „11 Октомври 1941“ (Участакот) од 18.00 — 20.00 часот, во организација на Завод и Музеј Прилеп, на отворено , ќе биде поставеена изложбата „Ченто — биографија низ фотографија“ која во изминатиот период беше поставена во 25 градови во Македонија.
Изложбата ќе биде поставена во чест на прв претседател на Президиумот на АСНОМ, Методија Андонов — Ченто, кој починал на овој ден, 24 јули 1957 година и по повод 80 годишнината од одржувањето на Првото заседание на АСНОМ, каде беа донесени уставотворни одлуки и ставени темелите на македонската држава,
„Изминаа 67 години од смртта на првиот претседател на Президиумот на Првото заседание на АСНОМ, голем борец, деец, политичар и визионер кој знаеше дека Македонија еден ден ќе стане независна и самостојна држава. Изложбата „Ченто — биографија низ фотографија” ќе биде поставена на отворено, пред Меморијалниот музеј „11 Октомври 1941“, местото од каде прилепските борци го започнале Народното востание на македонскиот народ, преку кое е стекната државноста на Македонија, за која Ченто се бореше и ништо не можеше да го спречи во истрајноста да се дојде до целта.“- велат од Завод и Музеј – Прилеп
Изложбата ќе биде поставена на 24 јули 2024, 25 и 26 јули.